“Deputat düzgün yaza, fikirlərini insanlara aydın çatdıra bilmirsə...” - Açıqlama
15:59 / 26.10.2021
858
Son iki
gün ərzində Azərbaycan Yazıçılar Birliyinin birinci katibi, Xalq yazıçısı
Çingiz Abdullayev və deputat Cavanşir Paşazadənin feysbuk hesablarında etdikləri
paylaşımlar geniş müzakirələrə, ictimai qınağa səbəb olub.
Belə ki,
yazıçı öz səhifəsində azyaşlı uşağa yaxşılıq etdiyini paylaşıb, deputat isə
paylaşımında ciddi qrammatik səhvlərə yol verib.
Cavanşir
Paşazadənin sözügedən paylaşımı sürcüsünün etməsi ilə bağlı açıqlama verməsi isə
daha böyük qınağa səbəb oldu.
Hər iki
situasiya ilə bağlı Sfera.az-a danışan "Dərya” Tədris Psixologiya Mərkəzinin
rəhbəri, psixoloq Gülnar Orucova sıradan bir insanın qrammatik səhvə yol verməsinin
normal, deputat üçün isə bu halın qəbuledilməz olduğunu bildirib. Psixoloq
ictimai qınağın yanlışların düzəldilməsində mühüm rol ifadə etdiyini deyib:
"Millət
vəkilliyinə namizədlik irəli sürüləndə qarşıya müəyyən tələblər qoyulur. Deputat
qrammatik qaydalara raiyət edib, düzgün yaza, fikirlərini insanlara aydın
çatdıra bilmirsə, onun deputatlığı da sual altına düşür.
İndi bəzi
şəxslər klaviaturada yazmaq rahat və tez olsun deyə, latın qrafikalı Azərbaycan
əlifbasından istifadə etmir və bununla da yazarkən müxtəlif səhvlərə yol verir.
Lakin bir müəllim, bir deputat belə səhvlərə
qətiyyən yol verməməlidir. Yox, əgər, bu şəkildə yazıda səhvlər olarsa, o zaman
ictimai qınaqdan incimək yox, nəticə çıxarmaq lazımdır”.
Sosioloq
Lalə Mehralı isə Çingiz Abdullayevin paylaşımının tənqid edilməsinin doğru
olmadığını bildirib: "Cavanşir
Paşazadənin paylaşımı və ictimai qınaqdan sonra bu paylaşıma münasibəti məni
çox güldürdü. Normalda xarici ölkəyə səfərə gedəndə sürücü deputatın yanında
getmir. Bundan başqa nə üçün belə vacib postda qərarlaşan bir insan mühüm məlumatı
paylaşarkən sürücünün köməyindən istifadə edir? Sürücü deputatın meneceri
deyil, onun təmsilçisi deyil, ona görə də belə bir açıqlama mənə qəribə gəldi.
İnci