Deputat: “Azərbaycan hərbi gücünü davamlı olaraq artırır”

Deputat: “Azərbaycan hərbi gücünü davamlı olaraq artırır”
 "Azərbaycanda yeni hərbi hissələrin istifadəyə verilməsi artıq mütəmadi xarakter alan prosesdir".

Bunu "Report"a açıqlamasında Sosial Tədqiqatlar Mərkəzinin İdarə Heyətinin sədr müavini, deputat Elşad Mirbəşiroğlu deyib.

Onun fikrincə, bu, Azərbaycanın hərbi potensialının güclü olmasından xəbər verir.

Deputat xatırladıb ki, ölkəmizin 20 faiz torpağı Ermənistanın işğalı altındadır: "Belə bir vəziyyətdə Azərbaycanın özünün hərbi gücünü artırması, müdafiə sistemini davamlı olaraq gücləndirməsi təbii haldır. Azərbaycan özünün ərazi bütövlüyünün təmin edilməsi istiqamətində çox böyük fəaliyyət göstərir. Bu fəaliyyət diplomatik və hərbi müstəvidə müşahidə edilir. Beynəlxalq arenada münaqişənin tənzimlənməsinin ancaq ölkəmizin ərazi bütövlüyü çərçivəsində mümkünlüyü prinsipi dəstəklənməkdədir. Bununla bağlı artıq oturuşmuş beynəlxalq mövqenin mövcudluğunu da deyə bilərik. Paralel olaraq Azərbaycan özünün hərbi gücünü, qüdrətini artırmaqdadır. Təbii ki, bunun əsasında iqtisadi potensial dayanır, çünki belə bir potensial olmadan dövlət özünün hərbi gücünü artıra bilməz”.
 
 

E.Mirbəşiroğlu bildirib ki, ölkədə yeni hərbi hissələrin istifadəyə verilməsi, eyni zamanda hərbi infrastrukturun yenidən qurulması istiqamətində böyük işlər görülür: "Bunu hər şeydən öncə hazırda müharibə vəziyyətində olmağımız tələb edir. İkincisi, diplomatik gücümüz hərbi potensialımıza söykənir. Hərbi güc olmadan biz beynəlxalq sferada sözümüzü deyə və diplomatiyamızın keçərliyini təmin edə bilmərik. Bu baxımdan Azərbaycan hərbi qüdrətini artırmaqla bir neçə istiqamətdə hədəflərinə doğru irəliləmiş olur. Həmişə demişik, danışıqlar nəticə verməsə hərb yolla torpaqlarımızı işğaldan azad edəcəyik. Yeni hərbi hissələrin açılması da bizim bu mövqeyimizin mühüm elementini təşkil edir. Azərbaycan hərbi gücünü davamlı olaraq artırır. Bu, həm işğalçı, həm də digər ölkələrə siqnaldır ki, Azərbaycan istənilən halda torpaqlarını işğaldan azad etmək qüdrətindədir”.

Elşad Mirbəşiroğlu

Deputat Elşad Mirbəşiroğlu:

"Azərbaycan hərbi qüdrətini artırmaqla bir neçə istiqamətdə hədəflərinə doğru irəliləmiş olur".

 

 

 Qeyd edək ki, Azərbaycan Respublikasının Prezidenti, Ali Baş Komandan İlham Əliyevin Silahlı Qüvvələrin şəxsi heyətinin döyüş hazırlığının yüksəldilməsi və sosial-məişət şəraitinin yaxşılaşdırılması ilə əlaqədar göstərişinə əsasən iyunun 16-da yeni inşa edilən hərbi hissənin açılışı olub.

Müdafiə naziri general-polkovnik Zakir Həsənovun və nazirliyin digər rəhbər heyətinin iştirakı ilə hərbi şəhərcik ərazisindəki qərargah, yeməkxana, tibb məntəqəsi, əsgər yataqxanası, avtomobil parkı, müxtəlif təyinatlı döyüş silah və sursatlarının saxlanması üçün anbarlar, eləcə də digər infrastruktur obyektlərinə baxış keçirilib.

Hərbi şəhərcik ərazisində hərbi qulluqçuların ailələri üçün nəzərdə tutulmuş yeni binanın açılış mərasimi olub.

Ailələri təbrik edən Müdafiə naziri bu yaxınlarda Hövsan qəsəbəsində hərbi qulluqçular üçün istifadəyə verilən daimi mənzillərin və "Qobu Park-3” yaşayış kompleksinin açılışında Ali Baş Komandanın iştirakını qeyd edərək bu istiqamətdə görülən kompleks tədbirlərin ölkə başçısının Azərbaycan Ordusuna göstərdiyi diqqət və qayğının bariz nümunəsi olduğunu xüsusi vurğulayıb. Nazir bu hərbi hissənin açılışını Azərbaycan Ordusunun döyüş qabiliyyətinin artırılması istiqamətində atılan növbəti addım olduğunu qeyd edib.

Silahlı Qüvvələrin Ali Baş Komandanının qayğısı nəticəsində son illərdə planlı şəkildə hərbi qulluqçuların daimi və xidməti mənzillərlə təmin olunduğunu bildirən Müdafiə naziri bu işlərin davamlı olacağını diqqətə çatdırıb.


Nazir bildirib ki, cari ildə müxtəlif bölgələrdə, xüsusilə cəbhəboyu zonada yerləşən bir sıra hərbi hissədə 250-dən artıq xidməti mənzil istifadəyə verilib. Bu ilin sonunadək isə daha 200-dək xidməti mənzilin tikintisinin sona çatdırılması planlaşdırılır.


Yeni bina ilə tanışlıq zamanı məlumat verilib ki, beş mərtəbəli bina tam təmirli 3 otaqlı 60 mənzildən ibarətdir və bütün kommunikasiya xətləri ilə təchiz olunub.


Bildirilib ki, bina üçün nasosxana, hovuz, yarımstansiya tikilib, qaz, su, işıq sayğacları qoyulub, mənzillər mətbəx və digər mebel dəsti ilə təmin edilib. Ərazi hasara alınıb, asfalt döşənib, uşaqlar üçün şəhərcik salınıb, idman qurğuları ilə təmin olunub, avtodayanacaq üçün yer ayrılıb, su təmizləyici qurğu quraşdırılıb və yaşıllaşdırma işləri görülüb. Hərbi qulluqçuların ailə üzvlərinin səmərəli istirahəti üçün lazımi şərait yaradılıb.


Mənzillə təmin olunan hərbi qulluqçular göstərilən qayğıya görə Silahlı Qüvvələrin Ali Baş Komandanı cənab İlham Əliyevə və Müdafiə Nazirliyinin rəhbərliyinə öz minnətdarlıqlarını bildiriblər.


Mənzillərin açarları hərbi qulluqçulara təqdim edildikdən sonra Müdafiə Nazirliyinin rəhbərliyi yaradılan şəraitlə tanış olub və ailələrin qayğıları ilə maraqlanıb.

OXŞAR XƏBƏRLƏR

Ədalət Vəliyev: "İqtidarla müxalifət arasında indiyədək müşahidə edilməyən yaxınlaşma var"

"Azərbaycanda həyata keçirilən islahatların prioritet istiqamətlərindən biri olan korrupsiyaya qarşı mübarizə pandemiya şəraitində də səngiməyib”. "Report” x...

"Ordumuzun təchizatı da güclüdür, milli ruhu da yüksəkdir"

 "Ordumuz çox güclüdür. Ordumuzun təchizatı da güclüdür, milli ruhu da yüksəkdir" Bunu sonxeber.az-a Dağlıq Qarabağ münaqişəsinin mümkün həlli yollar...

Ekspert: “Ordumuzun gecə vaxtı döyüş atışlı təlimi yüksək dəqiqliklə keçirilib”

 "Gecə vaxtı döyüş atışlı kimi mürəkkəb təlimlərin keçirilməsi və heç bir xoşagəlməz hadisənin olmaması Azərbaycan Ordusunun peşəkarlığını göstərir. Buna g...

Azərbaycan Prezidenti: "Nə qədər vəsait lazımdırsa, o qədər də ayıracağıq"

 "Əlbəttə, bu pandemiya təsirsiz ötüşmədi. Dünyanın aparıcı maliyyə qurumları indi ortaya müxtəlif proqnozlar qoyurlar - dünya iqtisadiyyatı nə qədər tənəz...

Azərbaycan Ordusu cəbhəboyu zonada gecə təlimləri keçirib - FOTO - VİDEO

 Azərbaycan Ordusunun cəbhəboyu zonada yerləşən hərbi hissələrində döyüş atışlı taktiki təlimləri keçirilib. Müdafiə Nazirliyindən Sfera.az-a verilən...

Aslan İsmayılovdan Mikayıl Cabbarova açıq müraciət – "Bir şeyi dəqiq bilin..."

Tanınmış hüquqşünas Aslan İsmayılov iqtisadi inkişaf naziri Mikayıl Cabbarova müraciət ünvanlayıb. Sfera.az xəbər verir ki, hüquqşünas bir qədər öncə n...