"Orduya qarşı kampaniya aparanlarla bağlı Azərbaycan qanunları çərçivəsində sərt tədbirlər görülməlidir".

Sfera.az xəbər verir ki, bunu sonxeber.az-a açıqlamasında Ana Vətən Partiyasının sədri, Milli Məclisin deputatı Fəzail Ağamalı deyib.

F.Ağamalı vurğulayıb ki, bu kimi gözdənsalma kampaniyasının aparılması yolverilməzdir: "Bu, yalnız ermənilərin maraqlarına xidmət etməkdir. Bu mövzunu sosial şəbəkələrdə müzakirəyə çıxaranlar düşünülmüş, ya da düşünülməmiş şəkildə ermənilərin məqsədlərinə xidmət edən layihənin içərisindədirlər. Buna qətiyyən yol vermək olmaz. Məsələni aydınlaşdırıb qanun çərçivəsində tədbirlər görmək lazımdır".