Dağ yəhudiləri İsraildən küsüb Azərbaycana qayıdırlar — Ekspert

Dağ yəhudiləri İsraildən küsüb Azərbaycana qayıdırlar — Ekspert
 

"Knessetə (parlamentə) 21-ci çağırış seçkiləri aprelin 7-də keçirilib, lakin Likud Partiyasının sədri Benjamin Netanyahunun kabineti formalaşdıra bilməməsi ucbatından sentyabrın 17-də təkrar seçkilər keçiriləcək".


Sfera.az "ISNA” agentliyinə istinadla xəbər verir ki, İsrail üzrə mütəxəssis Miqdad Həsəninin İsraildə yaşayan Qafqaz yəhudilərinin sosial-iqtisadi vəziyyəti və mədəni problemləri, habelə siyasi fəallığı haqqında analitik məqaləsi bu sətirlərlə başlayır.


Qafqaz yəhudilərinin İsrailə köçünün 1980-90-cı illərdə baş verdiyini qeyd edən müəllif yazır ki, dağ yəhudiləri, əsasən, Nafha, Cəlil, Miqdal Hamaq, Kiryat-Yam, Or Akiva və s. yaşayış məntəqələrində məskunlaşıblar və bu gün İsraildəki Qafqaz icması təxminən 6 min nəfərdən ibarətdir.


"İsrail hökuməti əvvəlcə Qafqaz yəhudilərini çox sayda infrastruktur və yaşayış problemi olan bölgələrə köçürüb və qafqazlıların özləri də bu maneələrin öhdəsindən gəlmək üçün çalışıblar”.


Or Akivanın keçmiş bələdiyyə başçısı Simha Yusufovun sözlərinə görə, şəhərdə Qafqaz yəhudiləri üçün ticarət, sağlamlıq və istirahət mərkəzləri hələ də yoxdur. Əksər evlərin təmirə ehtiyacı var.


İqtisadi problemlərlə yanaşı, Qafqaz yəhudilərini ən çox narahat edən sosial-mədəni problemlərdir.


Yazının davamında deyilir: "Beer-Şerva şəhərindəki bəzi gənclər öz eyniyyətini yenidən əldə etmək, təhqir və ayrı-seçkiliklə üzləşməmək üçün Qafqaza qayıdıblar və mənşə bölgələrində, xüsusən də Azərbaycan Respublikasında yaşayan yəhudilərin daha yüksək sosial status və ləyaqətə sahib olduqlarını başa düşüblər. Onlar müsəlman əhali arasında yaxşı mövqe sahibidirlər…”


Ekspert yazır ki, dağ yəhudiləri özünəməxsus mədəni meyarlarına görə hələ də İsrail cəmiyyətinə inteqrasiya oluna bilmirlər. Qafqaz icmasının problemlərini həll etmək üçün güclü demokratik alətlərdən də yararlanmaq imkanı yoxdur.


Müəllifin qənaətincə, Knessetin 21-ci çağırışı da Qafqaz yəhudilərinin problemlərini vaxtında həll edə bilmək gücündə deyil.(Reyting.az)


 

OXŞAR XƏBƏRLƏR

Prezidentdən söz istəyən icra başçısı: O cəsarət idimi? - Video

Məlum olduğu kimi, bu gün Prezident İlham Əliyev Nazim İsmayılovun Saatlı Rayon İcra Hakimiyyətinin başçısı vəzifəsindən azad edilməsi haqqında sərəncam im...

Azərbaycanda karantində olanlar barədə son məlumat

Hazırda ölkə üzrə 25 məntəqədə karantin evi var. Ümumilikdə koronavirus şübhəsi səbəbindən karantində saxlanılanların sayı 3300-dən çoxdur. Onların əksəriyyəti ...

Xanım millət vəkilləri Etibar Əliyevə yerini göstərdi – BDU rektoruna qarşı aparılan qarayaxmaya etiraz

      "Onun dedikləri iftiradır və aparılan islahatlara kölgə salmaq cəhdidir" Sfera.az-ın məlumatına görə, deputat, BDU-nun prof...

“Hərbi qulluqçuların statusu haqqında” qanun layihəsi Milli Məclisin müzakirəsinə çıxarılır

  "Daxili qoşunlar haqqında” və  "Hərbi qulluqçuların statusu haqqında” qanun layihələri Milli Məclisin payız sessiyasında müzakirə ediləcək. Sfera....

Çin Rusiya ilə ABŞ-ı qabaqlayır-yaxın və orta mənzilli raketlər məsələsində

"Rusiya ilə ABŞ arasında yenidən başlanan  sürətlə silahlanma yarışı forma etibarı ilə dəyişib” Sfera.az-a açıqlamasında bu sözləri ABŞ-ın ardınca Ru...

Bu tip açıqlamalar prezidentin apardığı informasiya və internet siyasətinə ziddir-ekspert

"Sosial şəbəkələri məhdudlaşdırmaq, onu yığışdırmaq sadəcə olaraq, absurddur”   Sfera.az-a açılamasında bu sözləri millət vəkili Musa Quliyevin öz milli ...