“Biz Sizə - elminizə və vətənpərvərliyinizə inanırıq”
84 saylı Füzuli seçki dairəsindən deputatlığa namizəd Vüqar Bayramov Füzuli rayonundakı Şıxlı
yatağında məskunlaşmış bir qrup məcburi köçkün seçici ilə görüşüb. Seçicilər Vüqar Bayramovu
alqışlarla qarşılayıblar. Vüqar Bayramov millət vəkilinin seçicilərin yanında olmasının vacibliyinə
toxunaraq qeyd edib ki, Azərbaycanda artıq yeni dönəm başlayıb: "Parlamentdə xalqın güvəndiyi insanlar
olmalıdır. Parlamentdə potensiallı insanlar olmalıdır. Parlament millətin güzgüsüdür. Millət vəkili
respublikada öz seçicilərini, ökədən kənarda isə ölkəsini təmsil edir. Mən Sizin üzünüzü hər iki tribunada
ağ edəcəyimə söz verirəm.”
Sonra kəndin ağsaqqalları Vüqar Bayramova öz xeyir-dualarını verib, ona uğurlar arzulayıblar:
"Biz Sizə inanırıq. Sizin elminizə inanırıq, vətənpərvərliyinizə inanırıq, seçicilərə xidmət edəcəyinizə
inanırıq.”
Görüşün sonunda kənd sakinləri ilə səmimi söhbət edən Vüqar Bayramov onları diqqətlə
dinləyib, qayğıları ilə maraqlanıb, millət vəkili seçiləcəyi təqdirdə belə görüşlərin mütəmadi
keçiriləcəyini və qaldırılan məsələlərin müvafiq dövlət qurumları ilə müzakirə ediləcəyini bildirib.
Şıxlı yatağında məskunlaşmış həmyerlilərimlə görüş məni xeyli mütəəssir etdi. Doğma yurdundan
didərgin düşmüş insanların nikbinliyi, zəhmətsevərliyi və həyata bağlılığı məni xeyli duyğulandırdı. Sizə
xidmət etmək mənim üçün böyük şərəf və qürurdur, doğma həmyerlilərim.
