Tamkart istifadəçiləri üçün şəxsi kabinet istifadəyə verildi!
İndi Tamkart sahibləri öz kart hesablarına və alış-verişlərinə yeni istifadəyə verilmiş Şəxsi
kabinet xidməti vasitəsilə 24 saat ərzində onlayn nəzarət edə biləcəklər. Azərbaycan
Beynəlxalq Bankı yeni məhsullarından olan Tamkartın sahibləri üçün şəxsi kabinet yaradıb.
Tamkart istifadəçiləri indiyə qədər Bankın IBAm mobil əlavəsi vasitəsilə bütün kart
əməliyyatlarını nəzarətdə saxlaya bilirdilər. Şəxsi kabinet isə müştərilərə bu əməliyyatlardan
əlavə, ümumi borc, əsas borc, ona hesablanmış faizlər, ödənilməli olan məbləğlər, bankla
tərəfdaş ticarət-xidmət müəssisələrində aparılmış taksit əməliyyatları, onların ödənişləri və s.
barədə digər zəruri məlumatları da anında əldə etmək imkanı verir.
Bu yeni imkandan yararlanmaq üçün //cabinet.tamkart.az saytını açmaq və Şəxsi
kabinet bölməsinə daxil olmaq kifayətdir. Şəxsi kabinetdə Tamkart üzrə məlumatlara baxmaq
üçün heç bir qeydiyyata ehtiyac yoxdur. Tamkart sahibinin şəxsiyyət vəsiqəsinin FİN kodunu,
mobil telefon nömrəsini və istifadəsində olan Tamkartın son 4 rəqəmini Şəxsi kabinet
bölməsində tələb olunan xanalara daxil etməsi kifayətdir. Şəxsi kabinet gələcəkdə bankın
IBAm mobil əlavəsinə də inteqrasiya olunacaq. Tamkart istifadəçiləri şəxsi kabinetlərindəki
həmin məlumatları IBAm-dan əldə edə biləcəklər.
Tamkartın əsas özəlliyi isə onun eyni anda iki kartı - debet və kredit kartlarını özündə
birləşdirməsidir. Bu kartın sahibləri Azərbaycan Beynəlxalq Bankı ilə layihə çərçivəsində
əməkdaşlıq edən bütün məkanlarda istədikləri məhsulun qiymətini bərabər hissələrə bölərək, 24
ayadək müddətə taksitlə ödəyə bilərlər. Digər istənilən növ əməliyyatlar zamanı isə müştərilərə
tam 1 ay faizsiz güzəşt müddəti imkanı yaradılıb. Hər iki kart üzrə SMS xəbərdarlıq xidməti
pulsuzdur.
Tamkart məhsulunun üstünlükləri bununla da bitmir. Belə ki, sözügedən kart öz
sahiblərinə istənilən alış – veriş məkanında, o cümlədən onlayn ticarətdə nağdsız ödənişlər
zamanı minimum 2% həcmində kəşbək qazandırır. Bəzi tərəfdaş məkanlarda isə kəşbək faizi
20% - dək çata bilər. Üstəlik, bu özəllik Tamkartı təşkil edən hər iki karta – həm debet, həm də
kredit kartına aiddir. Daha bir vacib məqam isə odur ki, Tamkart debet vasitəsilə Azərbaycan
Beynəlxalq Bankına məxsus bankomatlardan nağd vəsaitin çıxarılmasına görə heç bir
komisyon haqqı tətbiq edilmir.
Tamkart haqqında daha ətraflı məlumatları məhsulun rəsmi internet səhifəsi olan
www.tamkart.az saytından, yaxud //www.facebook.com/tamkart.az/ facebook
səhifəsindən əldə etmək və kartı sifariş vermək olar.
Müasir dövlət bankı olan Azərbaycan Beynəlxalq Bankının məhsul və xidmətləri barədə
məlumatları bankın 37 filial və 39 şöbəsindən, www.ibar.az internet səhifəsindən, 937 nömrəli
Məlumat mərkəzindən, həmçinin rəsmi Facebook səhifəsindən əldə etmək olar.
