İqbal Məmmədov yenidən YAP-ın namizədləri siyahısında
16:00 / 27.12.2019
2391
Bu gün Yeni Azərbaycan Partiyasının (YAP) qərargahında partiyanın İdarə Heyətinin iclası keçirilib.
Sfera.az xəbər verir ki, iclasda partiyanın 2020-ci il fevralın 9-da keçiriləcək növbədənkənar parlament seçkilərində irəli sürəcəyi namizədlərin siyahısı müzakirə olunaraq qəbul edilib.
Hakim partiyadan bildirilir ki, siyahı yaxın vaxtlarda qurumun rəsmi saytında dərc olunacaq.
Qeyd edək ki, Modern.az-ın əməkdaşları siyahıda hansı namizədlərin olması barədə araşdırma aparırlar. Araşdırmalarımıza görə, YAP-ın deputatlığa namizədlər siyahısında beşinci çağırış Milli Məclisin deputatı İqbal Məmmədovun da adı var.
İ.Məmmədovun namizədliyi 78 saylı Lerik Seçki Dairəsindən irəli sürülüb.
Qeyd edək ki, İqbal Məmmədov beşinci çağırış Milli Məclisdə də eyni dairədən deputat olub. (modern.az)