Prezident əlillərə mənzil təqdim edib - VİDEO
Bu gün Bakıda gözdən əlillər üçün yeni yaşayış binası istifadəyə verilib. Açılış mərasimində prezident İlham Əliyev və xanımı Mehriban Əliyeva iştirak edib.
Burada çıxış edən dövlət başçısı bildirib ki, neftin qiyməti çox aşağı səviyyədə olsa da, sosial sahədə bir dənə də olsun ixtisar olmayacaq.
Açılış mərasimimdə iştirak edən prezident İlham Əliyevə və xanımı Mehriban Əliyevaya məlumat verildi ki, binadakı 132 mənzildən 22-si üç, 44-ü iki, 66-sı isə bir otaqlıdır. Binada yaşayacaq sakinlərin gözdən əlil olduğu nəzərə alnıraq onların hərəkətini təmin etmək üçün xüsusi vasitələrdən istifadə edilib.
Dövlətimizin başçısı yeni binanın sakinləri ilə görüşüb.
Sakinləri təbrik edən dövlət başçısı bildirib ki, əhalinin xüsusi qayğıya ehtiyacı olan təbəqəsi daim dövlətin diqqət mərkəzindədir. Son vaxtlar bu sahədə islahatlar aparılır. məqsəd ondan ibarətdir ki, ehtiyacı olan insanların problemləri həll edilsin, ədalət tam şəkildə təmin olunsun.
Prezident ilham əliyev bildirib ki, neftin qiymətinin 3 dəfə aşağı düşməsi ölkənin gəlirlərinə təsir etsəd də 2015-ci ildə bütün sosial layihələr icra edilib. Bu yanaşma 2016-ci ildə də dəyişməyəcək.
Bina sakinləri də dövlət başçısına göstərilən qayğıya görə minnətdarlığını bildirib.
Sonra prezident sakinlərə orderləri təqdim edib.
Daha sonra Prezident İlham Əliyev və xanımı Mehriban Əliyeva Nərimanov rayon Əhalinin Sosial Müdafiəsi Mərkəzi və 8 saylı tibbi sosial ekspert komissiyasının yeni inzibati binasının açılışında iştirak etdilər. Mərkəzdə vətəndaşların müraciətlərinə baxılması üçün zəruri şərait var. Bu da müraciətlərə baxılmasında şəffaf iş rejiminin təmin olunmasına xidmət edir.
