"Bakı-2015" I Avropa Oyunlarında qızıl medal qazanmış taekvondoçu Ayxan Tağızadə ölkə başçısı İlham Əliyevin onu zəng vurub, təbrik etməsi haqda danışıb.

Bu sözləri ANS-də canlı yayımda olan çempionumuz deyib:

“Ölkə prezidentimiz, cənab İlham Əliyev zəng vurub dedi ki, bayrağımızı qaldırmağımdan, çempion olmağımdan məmnundur. Bu münasibətlə məni təbrik etdi. Mən də bildirdim ki, bayrağımızı qaldırmaq hər birimizin borcudur. Dövlət başçımız yarımfinaldakı görüşümü canlı izlədiyini bildirdi. Onu da vurğuladı ki, məni Rioda keçiriləcək Olimpiya Oyunlarında görür”.