Merkel yunanları hədələdi: "Yardım olmayacaq"

Həmrəylik və islahatlar olmadan Yunanıstan heç bir yardım göstərilməyəcək. Bu barədə Almaniyanın kansleri Angela Merkel bildirib.

Qeyd edək ki, Angela Merkel Aİ-nin növbədənkənar sammitində iştirak etmək məqsədilə bu gün Brüsselə səfərə gəlib.

“Həmrəy münasibət olmadan yardım üçün şərait də olmayacaq, həmrəylik və islahatlar olmadan hazırda irəlilədiyimiz yol artıq mümkünsüz olacaq” - deyə Merkel vurğulayıb.

Avroqrupun Yunanıstanla bağlı iclası nəticəsiz yekunlaşıb. Buna səbəb Yunanıstanın islahatlara və böhrandan çıxış yollarına dair öz təkliflərini təqdim etməməsi olub. Məlumata görə, bunu Avroqrupun sədri Yerun Deysselblum da təsdiqləyib. Onun sözlərinə görə, Yunanıstanın təklifləri iyulun 8-də təqdim edəcəyi gözlənilir.

“Afinanın təklifləri hələlik təqdim olunmayıb. Biz onları yaxın saatlarda, ən geci, sabah səhərə gözləyirik” - deyə Finlandiyanın maliyyə naziri Aleksandr Stubb bildirib.

Avroqrupun toplantısından əvvəl görüşün əsas məqsədinin Afinanın yeni təklifləri ilə tanışlıq olacağı bildirilirdi.

Qeyd edək ki, Aİ-nin növbədənkənar sammitində iştirak etmək məqsədilə bu gün Brüsselə səfərə gələn Almaniyanın kansleri Angela Merkel qeyd edib ki, Yunanıstana yardımın göstərilməsinə dair danışıqların bərpa olunması üçün hələlik heç bir əsas yoxdur. Merkel bildirib ki, islahatlar olmadan Afinaya heç bir yardım göstərilməyəcək: “Həmrəy münasibət olmadan yardım üçün şərait də olmayacaq, həmrəylik və islahatlar olmadan irəliləməyə çalışdığımız yol artıq mümkünsüz olacaq”.

Fransa prezidenti Fransua Olland da öz növbəsində Yunanıstan islahatları ilə bağlı hələlik dəqiq proqramın olmadığını bildirib (APA).

Sfera.az