Ermənilər mülki əhalini atəşə tutdu - 3 yaralı
Cəmiyyət
16:51 / 14.07.2015
2252
Əlibəyli kəndində iki azyaşı olmaqla 3 nəfər yaralanıb.
Ermənistan silahlı bölmələrinin ötən gecə açdığı atəş nəticəsində Tovuzun Ermənistanla təmas xətində yerləşən Əlibəyli kəndində iki azyaşı olmaqla 3 nəfər yaralanıb.
Sfera.az "Xəzər Xəbər"in verdiyi xəbərə istinadən bildirir ki, yaralılar dərhal Tovuz rayon Mərkəzi Xəstəxanasına çatdırılıblar.
Zərərçəkənlərin və qonşuların sözlərinə görə, həyətdə olarkən qəfildən açılan atəş 12 yaşlı Nərmin, onun 8 yaşlı qardaşı Tuncay Xanbabayevə və 44 yaşlı Durdanə Nağıyevaya dəyib. İriçaplı silahdan açılmış atəş zamanı həyətə düşən mərminin qələpələri azyaşlıların və 44 yaşlı kənd sakininin müxtəlif nahiyələrini yaralayıb.
Bildirək ki, hazırda Xəstəxanada müalicə alan zərərçəkənlərin vəziyyətini həkimlər kafi qiymətləndirir.
