Qənd alarkən diqqətli olun! - VİDEO

Reyd sexdəki acınacaqlı vəziyyəti aşkara çıxarıb

Standartlaşdırma, Metrologiya Və Patent Üzrə Dövlət Komitəsi paytaxtın Sabunçu rayonunda yerləşən və qənd istehsal edən müəssisədə reyd keçirib. Reyd sexdəki acınacaqlı vəziyyəti aşkara çıxarıb

Əlcəksiz əllər, marmeladın üzərinə yapışıb qalmış milçək və arılar, çirkab içində olan qablar və antisanitar vəziyyətdə doğranaraq qablaşdırılan qəndlər.

Görüntülər Standartlaşdırma, Metrologiya və Patent üzrə Dövlət Komitəsinin təşkil etdiyi reyddəndir. Reyd paytaxtın Sabunçu rayonu Sabunçu qəsəbəsində yerləşən və Ömürxan Osmanova məxsus qeyri-qanuni qənd istehsalı ilə məşğul olan müəssisədəki acınacaqlı vəziyyəti üzə çıxarıb

Baxış zamanı istehsal olunan heç bir məhsulun uyğunluq sertifikatının olmadığı üzə çıxıb. Bununla yanaşı müəssisədə istehsalın kustar usulla həyata keçirildiyi aşkarlanıb

Reyd zamanı o da məlum olub ki, müəssisənin sahibi daha əvvəl vergidən yayınmaq məqsədilə sexin fəaliyyətinin dayandığını açıqlayıb, ancaq sonradan gizli şəkildə sexi işlətməkdə davam edib. Budəfəki reyddən xəbər tutan sahibkar isə müəssisəyə gəlməkdən imtina edib.  //xezerxeber

Sfera.az