Ranar Musayev Elinadan yazdı: Uşaqlarınızı yalnız özünüz qoruyun

AzTV-nin bədii rəhbəri Ranar Musayev 162 nömrəli məktəbdə intihar edən Elina Hacıyevanın ölümü haqda status yazıb.

O, bu sözləri qeyd edib:

"Videoya baxıb belə nəticəyə gəldim ki, balaca qızımız nə məktəbə oxumaq, nə də xəstəxanaya müalicə almaq üçün gedəndə heç kimin marağında olmayıb. Eləcə də dünyasını dəyişəndən sonra bu olayla nə direktor, nə də həkim maraqlanıb. Baxmayaraq ki, həm təhsil, həm də tibb ocaqlarında həyəcan siqnalı verilməli idi. Allah rəhmət etsin! Allah ailəsinə kömək etsin!

Uşaqlarınızı yalnız özünüz qoruyun. Hər gün qucaqlayıb öpün, sizin həyatınızda nə qədər vacib olduqlarını söyləyin.

Övladınıza valideyn olmadan öncə dost olun. Düşünməyin ki, yeməyini verdim, geyimini aldım, cibinə pul basdım və digər ehtiyaclarını ödədim, rahat ola bilərəm. Siz heç vaxt bu cəmiyyətdə rahat ola bilməzsiniz. O ki qaldı hadisədən öncə və sonra məktəbdə və xəstəxanada baş verənlərə hər birimiz günahkarıq”.