Telefonları robotlar satacaq - VİDEO
İnsan emosiyalarını anlayan robotun qurucusu olan Yaponiyanın "SoftBank" şirkəti,
mobil telefon mağazasında bütün məsləhətçi-satıcıları əvəz edəcək robot yaradıb.
Lent.az-ın "vistanews.ru" saytına istinadən məlumata görə, təxmin edilir ki, satıcı-robot
alıcılara müstəqil olaraq məsləhət verəcək, onlara smartfon təklif edib sata biləcək.
Mağazanın hər bir ziyarətçisi robotla tam olaraq məsləhətləşə biləcək. Robot isə
ona cavab olaraq nəinki öz mövqeyini bildirə biləcək, hətta öz variantlarını təklif
edəcək.
Dünyanın ilk emosional insanabənzər robotu "Pepper" adını alıb. Zahirən onu başı,
iki əli var və o, heç bir maneə olmadan horizontal sahə üzrə hərəkət edə bilir və çətin
olmayan danışıqları həyata keçirir. Belə ki, bu robot müsahibinin halını müəyyən edir
və onun halına uyğunlaşmağı bacarır.
Belə robotların ilk seriyası 1000 ədəd olmaqla satışa çıxarılandan ilk dəqiqədə alıcılar
tərəfindən alınıb. Eyni sürətlə satışa çıxarılan digər 5 partiyada alınıb. "Pepper"
robotunun birinin qiyməti 1 600 dollardan bir qədər artıqdır.
