Bu gün Rusiyanın Sankt-Peterburq şəhərindəki Konstantinovski sarayında keçiriləcək 2018-ci il dünya çempionatının ilkin mərhələsinin püşkatma mərasimində AFFA rəsmiləri də iştirak edəcək. 

Sfera.az Modern.az-a istinadən xəbər verir ki, tədbirə AFFA-nın prezidenti Rövnəq Abdullayev, İcraiyyə Komitəsinin üzvü Vaqif Sadıqov və baş katib Elxan Məmmədov qatılacaq. Püşkatma Bakı vaxtı ilə saat 20:00-da başlayacaq.

Milli komandanın baş məşqçisi Robert Prosineçki səhhəti ilə əlaqədar mərasimə yollanmayıb.

Qeyd edək ki, Sankt-Peterburq şəhərindəki Konstantinovski sarayında keçiriləcək 2018-ci il dünya çempionatının ilkin mərhələsinin püşkatma mərasiminə Rusiya prezidenti Vladimir Putin də qatılacaq.