“Sony” yeni smartfonunu nümayiş etdirib.

Yaponiyanın “Sony” korporasiyası yeni smartfonunu nümayiş etdirib. “Sony Xperia M5” smartfonu su və toza qarşı dayanıqlıdır. Cihaz 1920x1080 piksel təsvir ölçülü 5 düymlük ekranla təchiz olunub. Əməli yaddaşın tutumu 3 QB, daxili yaddaşın tutumu isə 16 QB-dır. Smartfonun 64 bitlik səkkiznüvəli “MediaTek Helio X10” adlı mərkəzi prosessoru 2 QHs takt tezliyində işləyir.

Aparatın ön kamerası 13 meqapiksellik təsvir ölçüsünə malikdir və “Full-HD” formatında video çəkə bilir. Arxa kamera isə hibrid 21,5 meqapiksellik “Sony Exmor RS” sensor, beşqat optik zumla təchiz edilib və “4K” formatında video çəkmək imkanı yaradır.