“Xəstədirlər, vallah...” – Məlahət Abbasova

Türkiyədə məşhurlaşan aktrisa Məlahət Abbasova ekrandan keçmişlərinə göz yaşı ilə boylanan yerli məşhurlardan yazıb.

Sfera.az Gecce.az-a istinadən xəbər verir ki, o, hər xırda hadisəni faciəyə çevirənlərə irad tutub:  "Bir az tanınan kimi televizora çıxıb ağlaya-ağlaya keçmişində yaşadığı çətinlikləri danışanlara baxanda niyə gülməyim gəlir, görəsən? Nə olsun ki? Çətinlikləri hamımız yaşamışıq. Elə olub, qəpik də tapmamışıq. Yadımdadır, institutda oxuyanda pulumuz da olmazdı yemək almağa. O zaman İnstitut kafesində işləyən Firdovsi Əlidən borc alırdıq yeməyi. İndi bunu tragediyaya çevirib, ekrana çıxartmalıyıq, sonra da ağlamalıyıq? Nədir ki, insanlar acısınlar, desinlər, "nə qədər ağır günlər keçirib bu yazıq". Xəstədirlər, vallah, şöhrət xəstəliyi yoluxub insanlara. Yaxşı ki, o günlərimiz var idi və nə yaxşı ki, o yoxluğu yaşamışam".