Diqqətli olmaq lazımdır – Saxta malı tanıyın!
Yeni tədris ilinin başlamasına artıq sayılı günlər qalıb. Şagirdlər bu günü səbirsizliklə gözləsələr də , onların valideynlərini ən çox düşündürən məsələ övladlarını məktəbə tam hazır şəkildə göndərməklə bağlıdır. Bu il bir şagirdin məktəbə yola salınması üçün əvvəlki illərlə müqayisədə daha çox vəsait tələb olunur. Şagirdlər üçün ən vacib amil onların məktəbli formasının olmasıdır. Çünki ali təhsil müəssisələrində şagirdlərdən məktəbli forması geyinmək tələb olunur. Bu geyimləri isə Bakı Tikiş Evi tərəfindən hazırlanır. Məktəbli formasına köynək, jilet, pencək, ətək və yaxud şalvar daxildir. Sfera.az xəbər verir ki, Bakı Tikiş Evindən ANS PRESS-ə verilən məlumata görə bu ildən etibarən isə formaların materiallarının tərkibinə yun da əlavə olunub. Ümumilikdə materialın 25%-i yundan ibarətdir.Buna səbəb isə formaların ən çox qış aylarında istifadə olunmasıdır. Formaların qiymətləri isə ölçülərindən asılı olaraq dəyişir.Məktəbli formalarının satışına paytaxtın ayrı-ayrı satış məntəqələrində rast gəlinsə də onların heç də hamısı keyfiyyətli məhsul sayılmır. Eyni zamanda bu geyimlər nisbətən baha qiymətə satılır. Ona görə də saxta forma almamaq üçün bir sıra amillərə diqqət yetirmək lazımdır. İlk növbədə tikişlərə fikir vermək lazımdır. Saxta formaların tikişlərində gözlə görünən qüsurlar olur. Bundan əlavə parçanın keyfiyyətinə də baxmaq lazımdır. BTE-in satış şöbəsinin müdiri Etibar Əzimov valideynləri geyimləri yalnız fabrikin mağazalarından əldə etməyə çağırır. Onun sözlərinə görə fabrikə məxsus mağazalarda qiymət artımına yol verilə bilməz. Geyim almaq istəyənlər tikiş evinin paytaxtın müxtəlif rayonlarında yerləşən filiallarına müraciət edə bilərlər. Bakı Tikiş Evinin məktəbli formalarına təklif etdiyi qiymətlər Dərsliklərə gəlincə onlar şagirdlərə Təhsil Nazirliyi tərəfindən pulsuz paylanılır. Amma digər ləvazimatları valideyn özü almalıdır. Dərs ləvazimatlarına gəldikdə isə hazırda paytaxt mağazalarında müşahidə olunan qiymətlər belədir: Qələm 0.10 AZN -1 AZN Sadə karandaş 0.20 AZN -0.50 AZN Dəftər 0.10 AZN- 1 AZN Rəngli karandaşlar- 1AZN -6 AZN Xətkeş- 0.20 AZN -1 AZN Çanta 15-40 AZN Su qabı 5- 12 AZN Sonda belə bir nəticəyə gəlmək olar ki, bir şagirdin məktəbə tam hazır vəziyyətdə yola salınması üçün valideyinlərə ən azı 80-100 manat arası pul lazımdır.
