Davudoğlu Türkeşlə görüşəcək - Nazirlik məsələsi...
Türkiyənin baş naziri Əhməd Davudoğlu MHP Ankara millət vəkili Tuğrul Türkeşlə görüşəcək.
Sfera.az xəbər verir ki, baş nazirin müvəqqəti Nazirlər Kabinetinin üzvü üçün etdiyi təklifi qəbul edən Türkeş nazirlik postu barədə müzakirəyə qoşulacaq. Görüş Nazirlər Kabinetinin binasında baş tutacaq.
Qeyd edək ki, MHP-li millət vəkili baş nazirə yazılı olaraq təklifi qəbul etdiyini bildirib.
Məktubun ardından Davudoğlu ilə Türkeş telefon danışığı aparıb.
Baş nazir telefon görüşməsində təklifi qəbul etdiyi və bu yazıya müsbət cavab verdiyi üçün Türkeşə təşəkkür edib.
Xatıladaq ki, Ərdoğan 11 AKP, 5 CHP, 3 MHP və 3 HDP üzvünə məktubla nazir olmaları barədə təklif göndərmişdi.
Müxalifətçilərdən Cümhuriyyət Xalq Partiyasından (CHP) Dəniz Baykal, Ərdoğan Toprak, İlhan Kəsici, Gülsün Bilgəhan Toker və Tekin Bingöl, Milliyyətçi Hərəkat Partiyasından (MHP) Toğrul Türkeş, Meral Akşener və Kənan Tanrıkulu, Xalqların Demokratiya Partiyasından (HDP) Müslüm Doğan, Ləvənt Tüzəl və Əli Heydər Konca qurulan hökumətdə vəzifə tutmağa dəvət edilmişdi.
