“Azərbaycanlı nazirin qızı dostumdur” - Erməni aktyor
Məşhur erməni aktyor Armen Ciqarxanyan 80 illik yubileyi ərəfəsində “Rossiyskaya qazeta”ya həyatı, yaradıcılığı və hələ xeyli yaşamaq arzuları haqda danışıb. Sfera.az virtualaz.org-a istinadən xəbər verir ki, SSRİ xalq artisti Ciqarxanyan Azərbaycanın səhiyyə naziri Oqtay Şirəliyevin qızı Nara Şirəliyeva ilə uzun illərdir yaxın dost olduğunu gözlənilmədən etiraf edib. “Mən erməniyəm, ancaq mənim azərbaycanlılarla tamamilə möcüzəvi dostluq münasibətlərim də var. Mənim çoxillik rəfiqəm, “Kultura” kanalının aparıcısı Nara Şirəliyeva azərbaycanlıdır”- deyə erməni aktyor bildirib. O, həmçinin Rusiyanın hakim “Vahid Rusiya” partiyasının fəallarından biridir. Hətta prezident Vladimir Putinin səlahiyyətli nümayəndəsi kimi onun seçki kampaniyasında da iştirak edib.
Nara Şirəliyeva uzun illərdir Rusiya telekanallarında işləyir.
