SON DƏQİQƏ - Bu dəqiqələrdə Bakıda bir gənc intihara cəhd edir - FOTOLAR
Sfera.az-a daxil olan məlumata görə, bu dəqiqələrdə Hüseyn Cavid prospektində intihara cəhd edilir.
Elmlər Akademiyasından Şəhidlər Xiyabanının əks istiqamətində hündürmərtəbəli natamam yaşayış binasının üzərinə çıxmış naməlum gənc özünü atmağa cəhd edir. Hazırda həmin ətrafda xeyli insan cəmləşib.
Hadisə şahidlərinin verdiyi xəbərə görə, hazırda polis də hadisə yerinə gələrək intihar etmək istəyən şəxsi fikrindən yayındırmağa çalışırlar.
Binanın önünə toplaşan insanlar da hələlik kimliyi məlum olmayan gənci sakitləşdirməyə cəhd edirlər.
Saat 14:21
Hazırda intihara cəhd edilən hündürmərtəbəli binanın dövrəsinə Fövqəladə Hallar Nazirliyinin əməkdaşları və təcili tibbi yardım maşınları da gəlib. Amma hələlik nədənsə onların intiharçının həyatını qurtarmaq üçün cəhd etmədikləri bildirilir. Binanın ətrafına toplaşan insanlar isə hələ də intihar edən gənci dilə tutaraq bu fikirdən yayındırmağa çalışırlar.
Hafta.az-ın əməkdaşı hazırda hadisə yerindədir. Olayların inkişafı barədə sizlərə məlumat verəcəyik.
Sfera.az
