Nazirlik zəvvarların yoluxduğu virusla bağlı - Açıqlama

Səhiyyə Nazirliyi bu il Azərbaycandan Həcc ziyarətinə gedən zəvvarların təhlükəli virusa yoluxması ilə bağlı yayılan xəbərlərə münasibət bildirib.

 Sfera.az xəbər verir ki, nazirliyin mətbuat xidmətinin əməkdaşı Səfayə Əhmədova azvision.az-a bildirib ki, Həcc ziyarətindən geri dönmüş və virusa yoluxmuş hər hansı bir şəxs qurum tərəfindən qeydə alınamyıb.“Həmin şəxslər Həcc ziyarətinə getməmişdən öncə vaksinasiya olunurlar. Yəni virus kimi təqdim edilən həmin xəstəlik mövsümü xarakter daşıyır. Elə bir ciddi şey yoxdur. Yəni hacıların heç birində respirator xəstəlik qeydə alınmayıb”,- nazirlik rəsmisi vurğulayıb.Qeyd edək ki, Azərbaycandan olan Həcc missiyasının həkim briqadasının rəhbəri Həci Kitabullah Əkbərov Həccdən qayıdan 500-dən çox hacının virusa yoluxduğunu bildirib. Kəskin respiratorlu virus infeksiyası olduğunu deyən K. Əkbərov bildirib ki, xəstəliyin əlamətləri ağır öskürək, asqırma, iştahasızlıq, oynaq-əzələ ağrıları və sairdir.