Bakıya gəlin aparmağa gələnlərə - Xəbərdarlıq

Rayonlardan gələn gəlin maşınlarının Bakıya girişinə məhdudiyyət qoyulmur.

Sfera.az xəzər tv-yə istinadən məlumatına görə, ancaq toy karvanındakı digər avtomobillər paytaxta buraxılmır. Həmin maşınlar xüsusi duracaqlarda saxlanmalı, içindəkilər də gəlinin evinə avtobus, ya da taksi ilə getməlidir.

Rayon maşınlarına paytaxta giriş məhdudiyyəti ailə quranların sevincinə mane olmayacaq. Gəlin maşınlarına məhdudiyyət tətbiq edilmir.

Rayon qeydiyyatında olan avtomobillərin səhər saat 7:00-dan gecə saat 21:00-dək Bakıya buraxılmaması ilə bağlı qərar sentyabrın 15-dən qüvvədədir.

Bu avtomobillərin saxlanması üçün paytaxtın cənub və şimal girişində duracaqlar tikilib.