Tanınmış aktyor məcburi köçkünləri təhqir etdi
Kateqoriya məlum deyil
Tanınmış aktyor-şoumen Qorxmaz Əlili məcburi köçkünləri təhqir edib.
Ölkə.az-ın məlumatına görə, Əlili sosial şəbəkədə Azərbaycanın ən qocaman jurnalistlərindən olan Şirməmməd Hüseynovun televiziyadakı çıxışına münasibət bildirərkən bu sözləri yazıb:
“Dilinə qurban, de, danış. Qaçqınlara Bakı lazım idi, ona da nail oldular. Hökumət lazım idi, ona da nail oldular. Var-dövlət lazım idi, onu da aldılar. İyirmi faiz əsil qaçqınlıq həyatı sürdülər, o da reklama görə. Xaricdən gələn qonaqlara göstərmək üçün, yardım pulu almaq üçün. Aldılar, pulun dalına keçdilər, indi bizi bəyənmirlər”.
Qeyd edək ki, aktyor ANS-də yayımlanan “İstiqlal Şirməmməd Hüseynovla” layihəsindən bir hissəni paylaşaraq bu sözləri yazıb.
