Bakıda beynəlxalq hüquqi zona yaradılır - VİDEO
Paytaxtda elə bir hüquqi zona yaradılacaq ki, həmin zonada istehsal həyata keçirən
sahibkarlardan vergi alınmayacaq. Bakı Beynəlxalq Dəniz Ticarət Limanının ərazisində
yaradılacaq "Ələt Logistika və Ticarət Zonası" sahibkarlara daha nələr vəd edəcək?
Sfera.az Xəzərxəbər-ə istinadən bildirir ki, istehsalçılara böyük güzəştlərin ediləcəyi zona
yaradılır. Bakı Beynəlxalq Dəniz Ticarət Limanının ərazisində inşa ediləcək Ələt Logistika
və Ticarət zonası 100 hektardan və 3 hissədən ibarət olacaq.
Bu ticarət zonasında yerli və xaricdən gətirilən xam malın istehsal prosesindən keçirilərək
hazır məhsul şəklində yerli və xarici bazarlara çıxarılması nəzərdə tutulur. Bu zonada xüsusi
qanunlar tətbiq ediləcək.
Bu zonada istehsal edilən məhsul ərazidən keçən dəmir yol xətti, böyük İpək Yolu' və yaxud
Bakı Dəniz ticarət limanı vasitəsi ilə yerli və dünya bazarında çıxarılacaq. Layihənin icrasının
dəqiq vaxtı bilinməsədə yaxında dövrlərdə prosesin başlanılması gözlənilir.
