Bütün dünya bu azərbaycanlı azarkeşdən danışır - FOTO
Cəmiyyət
20:42 / 07.11.2015
1177
Bu gün dünya mətbuatının gündəmini Avropa Liqasının qrup mərhələsi çərçivəsində baş tutan "Borussiya”-"Qəbələ” matçında çəkilən şəkil zəbt edib.
Sfera.az xəbər verir ki, baku.ws-nin məlumata görə, şəkildə qarşılaşmanın keçirildiyi "Siqnal İduna Park” arenasının qonaqlar üçün ayrılmış sektorunda yalnız bir azarkeşin əyləşdiyi görünür. Eurosport, SKY Sport və digər aparıcı idman nəşrləri bu azarkeşin klubuna nə qədər sadiq olduğuna diqqət çəkiblər. Ancaq məsələnin heç də təqdim edildiyi kimi olmadığı da deyilir. Belə ki, əslində "Borussiya”-"Qəbələ” matçında 50-dək azərbaycanlı azarkeşin olduğu bildirilir. Həmin azarkeşlər şəkil çəkilən sektorda deyil, digər tribunada "Qəbələ”yə dəstək olublar.
Qarşılaşmaya gəldikdə təmsilçimiz Dortmund nəhənginə 0:4 hesabı ilə uduzub. "Qəbələ” 4 oyundan sonra 1 xalla yer aldığı qrupda sonuncu pilləni tutur.
