Pensiya ilə bağlı xəbərimiz var - VİDEO
Dövlət Sosial Müdafiə Fondu yeni təklif hazırlayıb.
Təklifə əsasən, hərbi qulluqçular və daxili işlər orqanlarının xüsusi rütbəli şəxsləri güzəştli pensiyaya çıxmaq üçün 20 il deyil, 25 il işləməli olacaqlar.
Silahlı qüvvələrdə və daxili işlər orqanlarında çalışan şəxslərin güzəştli pensiya təminatı üçün tələb olunan xidmət müddətinin 20 ildən 25 ilə qaldırılması məsələsi nəzərdən keçirilir. Bu barədə Dövlət Sosial Müdafiə Fondundan məlumat verilib.
Əgər təklif qəbul edilərsə, hərbi qulluqçular və daxili işlər orqanlarının xüsusi rütbəli şəxsləri güzəştli pensiyaya çıxmaq üçün 20 il deyil, 25 il işləməli olacaqlar. İslahat tədbirləri çərçivəsində ömür uzunluğu göstəricisinin pensiya sisteminə təsirinin tənzimlənməsi zəruriliyi önə çəkilib.
Təklif qəbul edildiyi təqdirdə bu qaydalar pensiyaya çıxmış şəxslərə şamil edilməyəcək. Onların pensiyası gələcəkdə yenidən hesablandıqda təyinat tarixinə tətbiq olunmuş əvvəlki qayda tətbiq ediləcək. Yəni onlar pensiyalarını indiyədək aldıqları qaydada almağa davam edəcəklər.
Fonddan eyni zamanda bildirilib ki, xidmət müddətinin 25 ilədək uzadılmasınnı müsbət cəhəti də var. Bu qərar sayəsində Dövlət Sosial Müdafiə Fondunun ehtiyatları artacaq. Nəticədə gələcəkdə pensiyaların artırılması da mümkün ola bilər, üstəlik güzəştli pensiyaya çıxanlar təqaüd dövründə daha çox pensiya ala bilərlər.
Dövlət Sosial Müdafiə Fondundan həmçinin hərbi qulluqçular və xüsusi rütbəli şəxslərin güzəştli şərtlərlə pensiyaya çıxması üçün tələb olunan xidmət müddətinin 30 ilə qaldırılmasının nəzərdə tutulmadığı da bildirilib //xəzərtv
Sfera.az