1-ci sinfə qəbulun vaxtı uzadılıb
Kateqoriya məlum deyil
Bu ilin tədris ili üçün 1-ci sinfə şagird qəbulunun 3-cü mərhələsinə start verilib.
Bakı Şəhəri üzrə Təhsil İdarəsindən (BŞTİ) Sfera.az-a verilən məlumata görə, valideynlər sentaybrın 16-dan oktyabrın 15-dək uşaqların elektron qeydiyyatında üzrlü səbəb (fövqəladə hal, uşağın və ya valideynlərin müalicəsi, valideynlərin xidməti ezamiyyətə getməsi) göstərməklə BŞTİ-nə yazılı müraciət edə bilərlər.
Valideynlər uşaq elektron qeydiyyatdan keçirildikdən sonra müvafiq sənədləri məktəbə təqdim etməlidirlər. Sənədlər qəbul olunduqdan sonra valideynə (qanuni nümayəndəyə) bu barədə qəbz verilir.
Qeyd edək ki, göstərilən müddətdən sonra müraciətlər qəbul olunmayacaq.
Sfera.az
