Prezident daha 7 diplomatı geri çağırdı - Yenilənib
Azərbaycan Prezidenti İlham Əliyev M.N.Nəcəfbəylinin Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi vəzifəsindən geri çağırılması haqqında sərəncam imzalayıb.
Sfera.az xəbər verir ki, sərəncamda deyilir:
“Murad Nizami oğlu Nəcəfbəyli Azərbaycan Respublikasının BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi vəzifəsindən geri çağırılsın”.
***
Prezidentin digər sərəncamı ilə Məmməd Əhmədzadə də vəzifəsindən geri çağırılıb:
“Məmməd Bahəddin oğlu Əhmədzadə Azərbaycan Respublikasının Argentina Respublikasında və eyni zamanda Paraqvay Respublikasında, Boliviya Çoxmillətli Dövlətində, Çili Respublikasında, Uruqvay Şərq Respublikasında fövqəladə və səlahiyyətli səfiri vəzifəsindən geri çağırılsın”.
***
İlham Əliyevin daha bir sərəncamı ilə Elxan Qəhrəmanov vəzifədən geri çağırılıb:
“Elxan Cahangir oğlu Qəhrəmanov Azərbaycan Respublikasının Birləşmiş Ərəb Əmirliklərində fövqəladə və səlahiyyətli səfiri vəzifəsindən geri çağırılsın”.
***
Prezidentin digər sərəncamı ilə Azərbaycanın Estoniya Respublikasındakı fövqəladə və səlahiyyətli səfiri də vəzifəsindən geri çağırılıb:
“Tofiq Nadir oğlu Zülfüqarov Azərbaycan Respublikasının Estoniya Respublikasında fövqəladə və səlahiyyətli səfiri vəzifəsindən geri çağırılsın”.
***
İlham Əliyevin daha bir sərəncamıı ilə Azərbaycanın Türkmənistanda və eyni zamanda Əfqanıstan İslam Respublikasında fövqəladə və səlahiyyətli səfiri vəzifəsindən geri çağırılıb:
“Vəhdət Məmmədağa oğlu Sultan-zadə Azərbaycan Respublikasının Türkmənistanda və eyni zamanda Əfqanıstan İslam Respublikasında fövqəladə və səlahiyyətli səfiri vəzifəsindən geri çağırılsın”.
***
İlham Əliyevin növbəti sərəncamı ilə Azərbaycanın Qazaxıstan Respublikasındakı fövqəladə və səlahiyyətli səfiri vəzifəsindən geri çağırılıb:
“Zakir Arif oğlu Həşimov Azərbaycan Respublikasının Qazaxıstan Respublikasında fövqəladə və səlahiyyətli səfiri vəzifəsindən geri çağırılsın”.
***
Prezidentin daha bir sərəncamı ilə Azərbaycanın Qazaxıstan Respublikasının Aktau şəhərindəki baş konsulu vəzifəsindən geri çağırılıb:
“Rəşad Eynəddin oğlu Məmmədov Qazaxıstan Respublikasının Aktau şəhərində Azərbaycan Respublikasının baş konsulu vəzifəsindən geri çağırılsın”.
