Şəhərdə pulsuz internetə girmək istəyirsiniz? - “Baku loves you” yazın!
21:28 / 10.05.2017
853
Bu gündən etibarən, Dənizkənarı Milli Park ərazisinin "Ağ şəhər” zonasını, "Sahil bağı” və Heydər Əliyev Mərkəzinin parkını ziyarət edənlər pulsuz wifi xidmətindən faydalana bilərlər.
Sfera.az qafqazinfo-ya istinadən xəbər verir ki, Nəqliyyat, Rabitə və Yüksək Texnologiyalar Nazirliyinin təşəbbüsü ilə Bakı Telefon Rabitəsi İstehsalat Birliyi ("Baktelecom”) IV İslam Həmrəyliyi Oyunları zamanı paytaxt ərazisinə turist axınını və şəbəkənin istifadəçilər tərəfindən aktiv istismarını nəzərə alaraq "İctimai İnternet” şəbəkəsinin əhatə dairəsini bir qədər də genişləndirib.
Yaxın zamanlarda istifadəçilər üçün yeni, daha rahat qeydiyyat sisteminin tətbiqi nəzərdə tutulur.
Qeyd edək ki, hazırda mobil telefon, notebook, planşet və s. portativ cihazlarla şəbəkə siyahısından "Baktelecom”-la yanaşı, bəzi ərazilərdə "Baku loves you” adını seçməklə mobil nömrə vasitəsilə qeydiyyatdan keçmək və pulsuz internetdən istifadə etmək mümkündür.
Məlumat üçün bildirək ki, "Dənizkənarı Milli Park” və "İçərişəhər” Tarix-Memarlıq Qoruğu ərazisində istismara verildiyi gündən indiyədək artıq 150 minə qədər istifadəçi pulsuz internet xidmətindən yararlanıb.
