Azərbaycan sərhədini pozan silahlı şəxs zərərsizləşdirildi
![Azərbaycan sərhədini pozan silahlı şəxs zərərsizləşdirildi](https://sfera.az/photo/orginal/2017/05/02/351474.jpg)
Cəmiyyət
14:27 / 02.05.2017
1533
Mayın 1-də saat 21:30 radələrində Qusar rayonunun Yuxarı Zeyxur kəndi ərazisində meşə massivində 1 nəfər silahlı şəxsin Azərbaycanın mühafizə olunan dövlət sərhədini pozmağa cəhd göstərməsi müəyyən edilib.
Sfera.az xəbər verir ki, Qusar Rayon Prokurorluğundan Trend-ə verilən məlumata görə, saxlanılması ilə bağlı qanuni tələblərə tabe olmayan sərhəd pozucusu - 1991-ci il təvəllüdlü Elvin Məmmədyarov hüquq mühafizə orqanları əməkdaşlarına atəş açaraq silahlı müqavimət göstərib, cavab tədbiri olaraq xidməti silahdan istifadə olunmaqla zərərsizləşdirilib.
Faktla bağlı Qusar rayon prokurorluğunda müvafiq araşdırmalar aparılır.