Rusiya Ərdoğanla bağlı fotoları nümayiş etdirdi - VİDEO
“Türkiyə prezidenti və onun ailə üzvüləri bu ticarətə nəzarət edir”.
Rusiya Müdafiə Nazirliyi Türkiyəni Suriyada və İraqda vuruşan İŞİD terrorçu qruplaşmanın neftinin əsas istehlakçısı olmaqda və Suriya neftini oğurlamaqda ittiham edib. Bu barədə Rusiya prezidenti Vladimir Putin də bəyan edib.
ANS TV-nin Moskva müxbirinin verdiyi məlumata görə, bu gün Rusiya Müdafiə Nazirliyi mətbuat nümayəndələrinin iştirakı ilə konfrans keçirib. Konfransda diqqəti cəlb edən bir məqam isə çox sayda xarici ölkə jurnalistlərinin dəvət olunması idi.
Toplantıda Rusiya müdafiə nazirinin müavini Anatoli Antonov çıxış edərək Türkiyə hökümətini İŞİD-lə əməkdaşlıq etməkdə ittaham edib. O, tədbirdə bunu təsdiq edə biləcək bəzi şəkilləri nümayiş etdirsə də, əslində bu Türkiyə hökümətinin İŞİD-lə əməkdaşlıq etdiyini sübut etmirdi. Anatoli Antonov bildirib ki, Türkiyə höküməti bunları heç bir zaman qəbul etməyəcək: "Amma biz yenə də bunu sübut etməyə bu şəkildə də davam edəcəyik".
Onun sözlərinə görə, İŞİD hər il qanunusuz neft satışından iki milyard AŞB dollarına yaxın gəlir əldə edir ki, məhz bunun da ən böyük alıcısı Türkiyədir. Anatoli Antonov deyib ki, Ərdoğan və onun ailə üzvüləri bu ticarətə nəzarət edir. Hazırda Ərdoğanın oğlu Türkiyənin ən böyük enerji şirkətinə rəhbərlik edir və bununla da birbaşa özü məşğuldur.
Anatoli Antonov sonda onu da qeyd edib ki, son iki ay ərzində Rusiya aviasiyası tərəfindən həyata keçirilən hava əməliyyatları zaman 30-dan artıq neft emalı müəssisələri məhv edilib.
