“Sosial Medianın Gənclərin Yuxu Vərdişlərinə Təsiri: Niyə Gecə Oyanmaq Trendə Çevrilib?”

Son illərdə gənclər arasında gec saatlara qədər sosial mediada aktiv olmaq bir “trend”ə çevrilib. Araşdırmalar göstərir ki, Instagram, TikTok və YouTube kimi platformalarda uzun müddət vaxt keçirmək, bədən saatını pozur və yuxu ritmlərini dəyişdirir.

 

Sfera.az xəbər verir ki, ekspertləin sözlərinə görə, ekran işığı melatonin hormonunun ifrazını azaldır, nəticədə gənclər gecələr yuxuya getməkdə çətinlik çəkir. Sosial psixoloqlar isə əlavə edir ki, “Fear of Missing Out” (FOMO) hissi də gecə oyanma vərdişini gücləndirir, gənclər hər an yenilikləri qaçırmaqdan qorxurlar.

 

Araşdırmalar göstərir ki, bu vəziyyət yalnız yuxu keyfiyyətinə deyil, həm də əhval-ruhiyyəyə, diqqət qabiliyyətinə və gündəlik məhsuldarlığa mənfi təsir edir. Bununla yanaşı, bəzi gənclər üçün gecə saatları yaradıcılıq və fokus üçün əlverişli vaxt ola bilər, lakin davamlı və uzunmüddətli yuxu pozuntuları sağlamlıq problemlərinə yol açır.

 

Mütəxəssislər valideynləri və gəncləri xəbərdar edir: texnologiya ilə balanslı münasibət qurmaq, yuxu rejimini qorumaq, həm fiziki həm də psixoloji sağlamlıq üçün vacibdir.

Firuzə Əliyeva
Sfera.az