Valyutadəyişmə məntəqələrində pulköçürmə - VİDEO
Bu sahəyə nəzarət gücləndirilib.
Azərbaycanda qeyri-rəsmi pul köçürmələri qanunla qadağandır. Ancaq bəzi valyutadəyişmə məntəqələrində belə hallar qeydə alındığından bu sahəyə nəzarət gücləndirilib.
Kommersiya banklarında şübhəli hesabların açılması ilə bağlı faktlar Mərkəzin Bankın Maliyyə Monitorinqi Xidmətinin nəzarətinə görürülüb. Aparılan araşdırmalar nəticəsində məlum olub ki, Azərbaycandan xaricə və əks istiqamətdə müxtəlif şəxslərin havadarlığı ilə qeyri-rəsmi pul köçürmələri məhz bankların valyutadəyişmə məntəqələrində həyata keçirilib.
Beləliklə, külli miqdarda valyuta qeydiyyat aparılmadan ölkədən çıxarılıb. Bu pulköçürmə sistemindən çirkli pulların yuyulmasında və terrorçuluğun maliyyələşdirilməsində istifadə olunduğu iddia edilir.
