Göydəniz Qəhrəmanov Vətən müharibəsi qaziləri ilə görüşdü - FOTOLAR
Kateqoriya məlum deyil
T
Deputat Göydəniz Qəhrəmanov 17 saylı Üçüncü seçki dairəsində yaşayan Vətən müharibəsi qaziləri ilə iftar süfrəsi ətrafında bir araya gəlib.
Sfera.az xəbər verir ki, millət vəkili bu barədə sosial şəbəkə hesabında paylaşım edib.
“17 saylı Üçüncü seçki dairəsində yaşayan Vətən müharibəsi qazilərimizlə iftar süfrəsi ətrafında bir araya gəldik. Qəhrəman qazilərimizlə səmimi söhbət etmək, onların fikirlərini dinləmək və birlikdə bu müqəddəs Ramazan ayının mənəvi ab-havasını paylaşmaq mənim üçün xüsusi xoş hisslər yaratdı.
Vətən uğrunda sağlamlıqlarını qurban verən qazilərimiz xalqımızın qürur mənbəyidir. Qəhrəman qazilərimizə möhkəm can sağlığı, uzun ömür arzulayıram. Allah dövlətimizi və xalqımızı qorusun”, - deyə o, paylaşıma qeyd edib.
