Rusiya və Türkiyə ordusu bu ölkədə üz-üzə gələ bilər
İraq höküməti Türkiyəyə qarşı Rusiyadan kömək istəyəcək. İraq höküməti Türkiyə qoşunlarının ölkəyə daxil olması ilə bağlı Rusiyadan hərbi kömək istəyə bilər.
Sfera.az ANS PRESS-dənaldığı məlumata görə, bu barədə İraqın parlament komitəsinin rəhbəri Hakim al-Zamili deyib.
Hakim al-Zamili bildirib ki, rəsmi Bağdad Türkiyənin bu addımını ölkənin müstəqilliyinin pozulması kimi qiymətlərdirir. "Ola bilsin ki, Türkiyənin müdaxiləsinə və İraq müstəqilliyinin pozulmasına cavab olaraq tez bir zamanda Rusiyadan hərbi kömək istəyək”, - al-Zamili bildirib.
Parlament üzvü əlavə edib ki, Türkiyə İraq hökumətinə xəbərdarlıq etmədən ölkəyə hərbi qulluqçu daxil edib.
Hakim al-Zamili - İraqın parlament komitəsinin rəhbəri
Bir neçə gün əvvəl “Türkiyə Silahlı Qüvvələri” (TSK) 2 ildən artıq müddətdir Şimali İraqMosul əyalətinin Türkiyə sərhəddinə yaxın Başiqa bölgəsində peşmərgə və İŞİD əleyhdarı digər qruplara hərbi təlim keçən desant birliyində dəyişiklik edib. Bölədəki 80-90 türk əsgəri sayı 138-ə çatdırılıb.
Bundan başqa bölgədə fəaliyyət göstərən, 25 tankdan ibarət zirehli qoşun birliyində də dəyişiklik olub. Zirehli birliyin tərkibində olan hərbçi sayı da nəzərə alındıqda, bölgədəki türk hərbçi sayının ən azı 300 olduğu bildirilir.