Bakı Olimpiya Stadionunun rəsmi saytı fəaliyyətə başladı
Bakı Olimpiya Stadionunun rəsmi saytı fəaliyyətə başlayıb. Sfera.az oxu.az-a istinadən bildirir
ki, www.bos.az ünvanında yerləşən sayt keçmiş və gələcək tədbirlər, stadion infrastrukturu,
biznes və istirahət imkanları haqqında məlumatı özündə əks etdirir.
"Stadion", "Turlar", "Xidmətlər", "Biznes", "Media" və digər bölmələrdən ibarət olan sayt şəkillər
və xəbərlər, xidmətlər, tədbirlər barədə məlumatı paylaşır, onlayn məsləhətçi və xidmətlərin
rezervasiya imkanları verir.
Azərbaycan, rus, ingilis və alman dillərində yaradılmış saytda tikinti tarixi göstərilir, habelə
virtual tur fəaliyyət göstərir.
Media nümayəndələrin rahat işi üçün yaradılmış "Media" bölməsində xəbərlər, press-relizlər
və şəkillər yerləşdirir.
Həmçinin saytın Feysbuk-a inteqrasiya edilib. Belə ki, sosial şəbəkə istifadəçiləri stadionun rəsmi
səhifəsindən birbaşa sayta keçid edə bilərlər.
İzləyicilər üçün saytın mobil telefon və planşet versiyaları da təklif olunur.
Sayt müntəzəm olaraq yenilənir.
