Kim sevirsə idmanı...- Bakı səhərindən FOTOREPORTAJ

Səhərin ilk işıqları ilə birlikdə şəhərin müxtəlif guşələrində hərəkətlilik başlayır. Günün bu sakit vaxtında parklar və bulvarlar sağlam həyat tərzini seçən insanların addımları ilə canlanır.

Sfera.az-ın əməkdaşı səhərin erkən saatlarında idman edən vətəndaşları görüntüləyib. 

Kimi velosiped sürür, kimi isə qaçış və sürətli yerimə ilə məşğul olur. İdman edənlərin arasında müxtəlif yaş qruplarından insanlar var-gənclər enerjili hərəkətləri ilə fərqlənir, yaşlılar isə sağlamlığı qorumaq üçün yüngül məşqlərə üstünlük verirlər. Onların hər birinin məqsədi eynidir: bədəni gücləndirmək, ruhu sakitləşdirmək və günə enerjili başlamaq.

Qeyd edək ki, səhər idmanı orqanizmin maddələr mübadiləsini sürətləndirir, əhval-ruhiyyəni yaxşılaşdırır və gün ərzində daha aktiv olmağa kömək edir. Elə görüntülər də göstərir ki, səhərin sərin havasında edilən idman təkcə sağlamlığa deyil, həm də gündəlik stressdən uzaqlaşmağa müsbət təsir göstərir.

Fidan Hacızadə
FOTO: Anar Bayramlı
Sfera.az