Trampın bu qərarı elm aləmində ciddi narazılıq yaratdı

Donald Tramp NASA-nın iqlim dəyişikliyi ilə bağlı həyati məlumatlar toplayan iki peyk missiyasının dayandırılması üçün plan hazırlanması tapşırılıb. 

Sfera.az xarici mediaya istinadən xəbər verir ki, söhbət atmosferdəki karbon qazı səviyyəsini ölçən və OCO (Orbitdəki Karbon Müşahidə Missiyaları) kimi tanınan peyklərdən gedir.

Alimlər bu peyklərin uzun illər ərzində fəaliyyət göstərməsinin mümkün olduğunu bildirsələr də, Tramp administrasiyası bu proqramlardan birinin orbitdən çıxarılaraq atmosferdə yandırılması ideyasını da nəzərdən keçirib.

Qeyd edək ki, bu peyklər yalnız iqlim dəyişikliyinin izlənməsi ilə kifayətlənmir, eyni zamanda təsadüfən bitki inkişafını da qeyd edərək, ABŞ Kənd Təsərrüfatı Nazirliyi və fermerlər üçün məhsuldarlıq və quraqlıq proqnozları ilə bağlı önəmli məlumatlar təqdim edir.

Tramp administrasiyasının bu qərarı elm ictimaiyyəti və siyasətçilər arasında ciddi narazılıqla qarşılanıb. ABŞ Konqresində bəzi üzvlər, bu missiyaların cari maliyyə ili üçün artıq maliyyələşdirildiyini əsas gətirərək, belə bir addımın qanunsuz ola biləcəyini bildiriblər.

Alimlər isə illik cəmi 15 milyon dollara başa gələn bu sistemin ləğv olunmasının elmi baxımdan əsassız və məntiqsiz olduğunu, sistemin isə qiymətsiz məlumatlar verdiyini vurğulayırlar.

Bəsti Rəfizadə
Sfera.az