İtlər sizi bu xəstəlikdən xilas edə bilər - Yeni TƏDQİQAT

Amerikalı alimlər sübut ediblər ki, itlər insanlara yalnız sakitləşməkdə deyil, həm də orqanizmin stressə sağlam reaksiya verməsində mühüm rol oynayır. 

Sfera.az bu barədə “The Conversation” nəşrinə istinadən xəbər verir.

Sorğu nəticələrinə görə, amerikalıların üçdə birindən çoxu demək olar ki, hər gün güclü stress yaşadığını etiraf edib. Mütəxəssislərin sözlərinə görə, stress xərçəng, ürək-damar xəstəlikləri, otoimmün pozuntular və demans kimi ağır xəstəliklərin inkişafına şərait yarada bilər.

Denver Universitetinin İnsan-Heyvan Əlaqələri İnstitutunda aparılan yeni tədqiqat göstərib ki, itlər stress hormonlarına birbaşa təsir göstərir. Eksperimentdə iştirak edən 40 nəfər standart stress testindən keçib. Onların yarısı itləri ilə, digər yarısı isə itsiz iştirak edib. Nəticələrə əsasən, itləri ilə gələn iştirakçılarda kortizol səviyyəsi daha aşağı olub.

Alimlər bildiriblər ki, itlər insanlara yalnız emosional rahatlıq vermir, həm də bədənin stressə düzgün cavab verməsinə yardım edir. Bu tədqiqat, xüsusilə, posttravmatik stress pozuntusu (TSSP) və digər stresslə bağlı problemlərin müalicəsində itlərin əhəmiyyətini artırır.

Fidan Hacızadə
Sfera.az