Uşaq müəssisələrinə neçə uşaq yerləşdirilib? - Rəqəmlər
2025-ci ilin birinci yarısında valideyn himayəsindən məhrum olmuş, eyni zamanda, çətin həyat şəraiti ilə üzləşmiş uşaqların yaşadığı 23 müəssisə üzrə 132 uşağın yerləşdirilməsi həyata keçirilib.
Sfera.az xəbər verir ki, bu barədə Trend-in sorğusuna cavab olaraq Sosial Xidmətlər Agentliyindən məlumat verilib.
Bildirilib ki, müəssisələrə yerləşdirilən uşaqlardan 71-i qız, 61-i oğlandır.
"Onlardan 35 nəfəri 0-3 yaş, 17 nəfəri 4-6 yaş, 34 nəfəri 7-12 yaş, 46 nəfəri 13-18 yaş kateqoriyasına aid olan uşaqlardır.
Uşaqların müəssisələrə yerləşdirilməsi ilə bağlı müraciətlər e-sosial.az elektron portalında valideyn himayəsindən məhrum olmuş uşaqlar, himayədar ailə və övladlığagötürmə bölməsində, valideyn himayəsindən məhrum olmuş uşaqların yerləşdirilməsi alt bölməsi vasitəsi ilə aparılır.
O cümlədən, müraciətlər DOST Mərkəzləri vasitəsi ilə də qəbul edilir",- deyə məlumatda qeyd edilib.
