Axtarılan 20 yaşlı qadınla bağlı rəsmi AÇIQLAMA

Xəzər rayonu Buzovna qəsəbəsində yaşayan Ş.Bayrızadənin evdən xəbərsiz çıxaraq geri qayıtmaması barədə polisə məlumat daxil olub.

 

Sfera.az xəbər verir ki, bu barədə məlumatı DİN-in Mətbuat Xidmətinin əməkdaşı Lumu İsrəfilli yayıb.

 

Onun sözlərinə görə, həmin şəxs axtarışa verilib:
 

“İlkin axtarışlar nəticəsində polis onun şəxsi sosial şəbəkə hesabı vasitəsi ilə əlaqə saxlaya bilib.Ş.Bayrızadə könüllü olaraq evdən getdiyini bildirsə də olduğu yer barədə məlumat verməkdən imtina edib”.

Hazırda həmin şəxsin yerinin müəyyən edilməsi və bu barədə yaxınlarına məlumat verilməsi istiqamətində əməliyyat-axtarış və əməliyyat-texniki tədbirlər davam etdirilir. (Qafqazinfo.az)