Qax xəstəxanasından AÇIQLAMA – “Arif Babayev Bakıda səhv müalicə olunub”

Xalq artisti Arif Babayevin vəziyyəti ağırdır.

 

Sfera.az xəbər verir ki, bu barədə Teleqraf-ın sorğusuna cavab olaraq muğam ustasının müalicə olunduğu Qax Rayon Mərkəzi Xəstəxanasından bildirilib.

Məlumata görə, Xalq artisti bir müddət əvvəl Bakıda ağır pnevmoniya keçirib.

"Səhv müalicə alıb, vəziyyəti gərginləşib. Pnevmoniyanın qalıqları var. Hazırda tənəffüs pozğunluğu müşahidə olunur, saturasiyası və təzyiqi aşağıdır. Oksigen aparatına qoşulub, müalicə olunur, vəziyyəti olduqca ağırdır", - Qax xəstəxanadından qeyd olunub.

Xatırladaq ki, may ayında da sənətkarın səhhəti ağırlaşmış və Mərkəzi Klinik Xəstəxanasına yerləşdirilmişdi.

Qeyd edək ki, Arif Babayev 1938-ci il fevralın 20-də Ağdamın Sarıhacılı kəndində anadan olub.