İyulun 20-də Şuşa şəhərində yerləşən “Şuşa” hotelində milli mətbuatın 150 illiyi münasibətilə təntənəli qala gecəsi təşkil olunub.

Sfera.az xəbər verir ki, tədbirdə Azərbaycan Respublikası Prezidentinin köməkçisi Hikmət Hacıyev, Prezidentin Şuşa rayonunda xüsusi nümayəndəsi Aydın Kərimov, Medianın İnkişafı Agentliyinin və Mətbuat Şurasının rəhbərliyi, ölkənin aparıcı media qurumlarının rəhbərləri və tanınmış jurnalistlər iştirak ediblər.

Gecənin bədii hissəsində müxtəlif musiqi tamaşaları təqdim olunub. Tədbirin sonunda sürpriz olaraq “Yallı” rəqsi nümayiş etdirilib. Rəqsə Prezidentin Şuşa rayonunda xüsusi nümayəndəsi Aydın Kərimov və bir neçə media rəhbəri də qoşulub.

Sonda Hikmət Hacıyev səhnəyə qalxaraq tədbirdə iştirak edən incəsənət xadimləri ilə görüşüb, onlara təşəkkürünü bildirib.

Xatırladaq ki, iyulun 21-dək davam edəcək Forumda 52 ölkədən 140-a yaxın xarici qonağın, o cümlədən 30-dan çox informasiya agentliyi, 7 beynəlxalq təşkilat və 80-ə yaxın media qurumu, həmçinin sahə üzrə əlaqəli digər təşkilatlardan nümayəndələr iştirak edir.

Dünən – iyulun 19-da Prezident İlham Əliyevin iştirakı ilə forum açılıb, bu gün isə Hikmət Hacıyevin giriş nitqi ilə forum dava edib və panel müzakirələr olub. İyul 21-də panel müzakirələr davam edəcək.

Şuşada Milli Mətbuatın 150 illik yubileyində sürpriz olay – VİDEO