Davranışlar gələcək nəsillərə ötürülə bilir - YENİ TƏDQİQAT

Elm adamları epigenetika sahəsində apardıqları son araşdırmalarda maraqlı nəticələr əldə ediblər. 

Sfera.az xəbər verir ki, insanın qidalanma tərzi, stress səviyyəsi, hətta ətraf mühitlə bağlı təcrübələri genlərimiz üzərində iz buraxa və bu dəyişikliklər növbəti nəsillərə ötürülə bilər.

Mütəxəssislər bildirir ki, epigenetik dəyişikliklər genetik kodun özünü dəyişməsə də, genlərin aktivliyini idarə edən “şalter” funksiyasını daşıyır. Yəni eyni genetik məlumat müxtəlif insanlarda fərqli şəkildə ifadə oluna bilər.

Məsələn, hamiləlik dövründə ananın yüksək stress keçirməsi və ya düzgün qidalanmaması uşağın gələcəkdə şəkərli diabet və ya ürək xəstəliklərinə meyilliliyini artıra bilər. Həmçinin, sağlam həyat tərzinin seçilməsi gələcək nəsillərin sağlamlığı üçün qoruyucu faktor rolunu oynaya bilər.

Alimlər bu kəşfi böyük bir irəliləyiş adlandırır və epigenetikanın gələcəkdə xəstəliklərin qarşısını almaq üçün mühüm açar ola biləcəyini vurğulayırlar.

Fidan Hacızadə
Sfera.az