Səhər yeməyini yeməmək depressiyaya yol açır - TƏDQİQAT

Gənclərin müntəzəm olaraq səhər yemək yeməməsi depressiya əlamətlərini gücləndirə və konsentrasiyanı poza bilər.

Sfera.az xəbər verir ki, bu barədə çinli tədqiqatçıların “Frontiers in Psychiatry” jurnalında dərc olunan araşdırmasında qeyd olunub.

Honkonq Gənclər Epidemioloji Tədqiqatına 3154 yeniyetmə və gəncləri cəlb edilib. İştirakçıların təxminən 15%-i heç vaxt səhər yeməyi yemədiyini bildirib. Səhər qida qəbulu etməyənlərin tez-tez pisləşən depressiya və təşviş pozuntusu simptomları, həmçinin sosial və akademik fəaliyyətdə çətinliklər yaşadıqları ortaya çıxıb.

Tədqiqatçılar bu təsirləri diqqətin azalması ilə əlaqələndiriblər. 

Qeyd edək ki, mütəxəssislər ac qarına hər hansısa növ qəhvənin qəbulundan qaçınmaq barədə də xəbərdarlıq edirlər.

Firuzə Əliyeva
Sfera.az