Yay fəslində bu qidalar təhlükəlidir - SİYAHI

Yay mövsümünün ən isti günləri yaxınlaşarkən düzgün qidalanma vacibdir. İsti hava şəraiti, susuzluq və bəzi qidaların tez xarab olması səbəbindən yayda menyuya xüsusi diqqət yetirilməlidir.

Sfera.az xəbər verir ki, xarici mütəxəssislərin fikrincə, yayda ən çox yeyilməsi tövsiyə olunan qidalar bunlardır:

-Qarpız, yemiş, gilas, albalı kimi su və vitaminlərlə zəngin təzə meyvələr
-Xiyar, pomidor, kahı, göyərtilər kimi yüngül tərəvəzlər
-Soyuq şorbalar, ayran kimi sərinləşdirici içkilər
-Qril edilmiş toyuq və balıq kimi az yağlı protein mənbələri
-Mineral su və şəkərsiz təbii içkilər
-Tam taxıllı məhsullar və duzsuz çərəzlər

Bununla yanaşı, yaya xas isti günlərdə uzaq durulması tövsiyə olunan qidalar da var: 

-Yağlı, qızardılmış yeməklər və kabab növləri
-Kremli tortlar, paxlava kimi şirniyyatlar
-Şirin qazlı içkilər və spirtli içkilər
-Mayonezli salatlar və tez xarab olan süd məhsulları
-Çox duzlu məhsullar, turşular, kolbasa növləri

Həkimlərin sözlərinə görə, yayda qida zəhərlənməsi riski daha yüksəkdir. Ona görə də qidaların təzə saxlanması, düzgün soyudulması və günorta saatlarında ağır yeməklərdən uzaq durmaq tövsiyə olunur.

Əhalinin yay mövsümündə gündə azı 2-2,5 litr su içməsi, açıq havada yeməklərə xüsusi diqqət yetirməsi və xüsusilə süd məhsullarını uzun müddət otaq temperaturunda saxlamaması vurğulanır.

Fidan Hacızadə
Sfera.az