Sabahdan ADY qatarları yay qrafikinə keçir - Hərəkət cədvəli

Cəmiyyət
19:00 / 09.07.2025
3879
10 iyuldan etibarən “Azərbaycan Dəmir Yolları” QSC-nin Abşeron dairəvi dəmir yolu marşrutu üzrə hərəkət edən sərnişin qatarları yay qrafikinə keçəcək.
Sfera.az ADY-ə istinadən xəbər verir ki, həftənin iş günlərində dairəvi marşrut üzrə reyslərin sayı müvəqqəti olaraq 10 reys azaldılacaq.
Yay qrafikinə keçidin məqsədi 2025/2026-cı il tədris ilinə hazırlıq işlərinin görülməsi, bu xətt üzrə infrastrukturun sağlamlaşdırılması, hərəkət təhlükəsizliyinin davamlı təmin edilməsi və qatarlarda müəyyən təmir işlərinin aparılmasıdır.