Ən zidd bürclər bunlar imiş - Bir araya gəlməyin!
Bürclərin yerləşdiyi xəritədə hər bürcün bir əksi var. Astrologiya mütəxəssisləri deyirlər ki, bəzən ən fərqli görünən bürclər əslində bir-birilərinə ən çox lazım olanlardır. Onlar bir-birini həm çətinləşdirir, həm də gücləndirir.
Sfera.az xəbər verir ki, bu bürclər arasında 180 dərəcə məsafə var. Onlar fərqli elementləri təmsil etsələr də, eyni zamanda bir-birilərinə balans gətirir və qarşılıqlı öyrənmə imkanı yaradır.
Zidd bürclərin siyahısı belədir:
Qoç - Tərəzi: Qoç “Mən” deyir, Tərəzi isə “Biz” deyir. Lakin birlikdə cəsarət və diplomatiya yaradırlar.
Buğa - Əqrəb: Buğa sabitliyi, Əqrəb dərinliyi sevir. Birlikdə isə həm təhlükəsizlik, həm ehtiras doğururlar.
Əkizlər - Oxatan: Əkizlər lokal maraqlara, Oxatan uzaq hədəflərə fokuslanır.
Xərçəng - Oğlaq: Xərçəng evə, Oğlaq isə karyeraya yönəlib. Birləşəndə həm ailə, həm uğur prioritet olur.
Şir - Dolça: Şir fərdi diqqət istəyir, Dolça kollektivi düşünür. Birlikdə fərdi və sosial balans qururlar.
Qız - Balıq: Qız praktik, Balıq isə xəyalpərəstdir. Onlar reallıqla romantizmi uzlaşdırır.
Astroloqlar vurğulayır ki, zidd bürclər arasındakı gərginlik ilk baxışda çətin görünə bilər. Lakin düzgün yanaşma ilə bu fərqliliklər sevgi, dostluq və əməkdaşlıqda güclü bağlara çevrilə bilər.
Fidan Hacızadə
Sfera.az
