Bu il neçə nəfər adını dəyişdirib? - RƏSMİ AÇIQLAMA
Bu il 645 nəfər adını dəyişdirib.
Sfera.az xəbər verir ki, bu barədə Bizim.Media-nın sorğusuna cavab olaraq Ədliyyə Nazirliyindən məlumat verilib.
Bildirilib ki, cari ilin ilk altı ayı ərzində 645 nəfərin adının dəyişdirilməsi dövlət qeydiyyatına alınıb.
Lakin qurumdan şəxslərin əvvəlki, hazırkı adı fərdi məlumatlar kateqoriyasına aid olduğundan açıqlanmayıb.
Xatırladaq ki, ötən ilin yanvar-iyul ayları ərzində 1 433 şəxs soyadını, adını və ata adını dəyişdirib.
Qeyd edək ki, Ailə Məcəlləsinə görə, ərizə əsasında adın, ata adının və soyadın dəyişdirilməsi vətəndaşın seçdiyi, məhkəmə qətnaməsi əsasında dəyişdirilməsi isə bu barədə qətnamənin çıxarıldığı yer üzrə müvafiq icra hakimiyyəti orqanının müəyyən etdiyi orqanda (qurumda) dövlət qeydiyyatına alınır. Hazırda adın dəyişdirilməsi üçün təyin edilən dövlət rüsumunun məbləği 15 AZN-dir.
